На 29 јуни, 2022, поднесовме амандман за да се одделат средства од буџетот за „Работилница за изработка на висококвалитетни производи од преработена отпадна пластика“ кој беше прифатен од Совет на Град Скопје. 

Образложение

Пластичниот отпад е сеприсутен и го загадува секој агол од нашите градови и рурални средини, нашите планини и национални паркови, нашите реки и езера. 

Во градот Скопје и сите негови општини постои голем проблем со пластичниот отпад кој се натрупува без конкретно решение. На годишно ниво на нашите депонии се фрлаат огромни количини отпад, од кои голем процент е пластика која може да се рециклира. Овие бројки не ги опфаќаат дивите депонии кои ги има во огромен број. Исто така, во нашата земја се рециклира само незначителен процент од отпадот, што е поразително.

Секое пластично шише, прибор за една употреба, скршен предмет од домаќинството и слично, може да се претвори во ресурс за создавање нов предмет, чија цел ќе биде долготрајна употреба и трајно решение за отпадната пластика од која е изработен. Насекаде низ светот се изнаоѓаат нови начини и преодни решенија за проблемот со отпадната пластика. Постојат машини наменети за оваа цел, достапни преку лиценцата Creative Commons Attribution - Sharealike International 4.0, со кои и кај нас може да започнеме со решавање на проблемот со еден од најголемите загадувачи на целата планета, и тоа на крајно корисен и креативен начин.

Машини, селекција и стандарди за класификација

Пластиката треба да се селектира според типот наведен на самиот предмет (на пример, PP за полипропилен, PE за полиетилен итн.). Понатаму, опционално, може да се селектира и по боја, што овозможува разнолики опции во креативниот процес.

Во соодветен простор кој би бил обезбеден за работилницата, се предлага да се сместат и користат следните машини и додатоци, кои можат да се нарачаат од специјализирани добавувачи преку Интернет:

• Дробилка (Shredder) - дроби пластика на ситни делови - 7.000 ЕУР + испорака
• Гранулатор (Granulator) - дроби ситна пластика на гранули од кои се прави филамент за 3Д печатач - 3.000 ЕУР + испорака
• Извлекувач (Extruder) - 7.000 ЕУР + испорака
• Инјектор (Injector) - машина за инјектирање загреана пластика во калап со цел изработка на предмет - 4.000 ЕУР + испорака
• Хидраулична преса за табли (Sheetpress) - 5.000 ЕУР + испорака
• Калапи за изработка на новите предмети - 20.000 ЕУР + испорака

Вкупна цена на предложените машини и додатоци: 46.000 ЕУР + испорака. Испораката варира, па приближната сума е вклучена во вкупниот предлог-буџет даден во воведот на овој предлог.

Мрежа за соработка 

Во недостиг на капацитети за масовно рециклирање пластика на државно, регионално и градско ниво, ваквата работилница во рамки на своето редовно работење може, освен, се разбира, работата на јавното комунално претпријатие, исто така максимално да го искористи потенцијалот за соработка со следниве субјекти:

• Неформални собирачи на пластика
• Еколошки здруженија кои одржуваат акции за чистење
• Поединечни граѓани кои селектираат отпад во своите домови
• Социјални претпријатија кои работат со собирање селектиран отпад
• Општествено одговорни компании кои имаат капацитети за селектирање отпад, но не и за рециклирање
• Државни и приватни субјекти кои селектираат отпад
• Други ентитети кои селектираат отпад

Максималното искористување на ваквото вмрежување во ваквиот проект - работилница значи материјализирање и преточување на потенцијалот на ресурсите во нов вид материјална вредност, а воедно и постепено намалување на отпадот во сите средини. Главниот фокус секако е намалување на отпадот кој сè уште не е селектиран, односно е одложен на несоодветна локација. 

Истовремено, би можело да се изработуваат предмети кои би се употребиле во следните проекти на градот, што би значело огромна заштеда на средства. Со соодветно поставување, употреба и одржување, ваквите предмети би биле трајно решение за отпадната пластика од која се изработени.

Предлог од: Здружение за едукација и директна акција ЕдуАктив Орг

На 10.06.2022 год., државен празник и неработен ден, без никакво претходно известување од страна на инвеститорот – Општина Центар, работници од „Гама Градба“ ДООЕЛ Скопје започнаа со градежни активности за расчистување на една од последните зелени површини со високо зеленило на ул. „Рузвелтова“ бр. 36 во Дебар Маало.

Притоа, со тешка градежна механизација утрото на 11.06.2022 год. (сабота) за само неколку часа беа откорнати вкупно 6 возрасни, здрави, дрвја стари со децении.

Прочитај повеќе тука.

ЗХГ  на покана од градоначалничката на Град Скопје поднесе номинации за членови во Зелениот екосовет на Градот Скопје за да придонесе во решавањето на горливи еколошки проблеми. Ангажманот на сите членови номинирани од ЗХГ е целосно волонтерски, без никаков финансиски надомест и независен. Номиниравме експерти од најразлични сфери чијашто синергија очекуваме да резултира со трајно подобрување на квалитетот на живот во Скопје, како и поставување нови стандарди во визионерското планирање на еден град од иднината - паметен, одржлив и праведен - град за сите луѓе.

Дознај повеќе...

ЗХГ иницираше процес „Нов ГУП за зелено и хумано Скопје“, во кој се вклучија експерти од институциите, академијата, претприемништвото и граѓанскиот сектор. На 17 и 18 јануари, во текот на дводневна работилница насловена „Нов ГУП: Планска програма за зелено и хумано Скопје“ во која можеше да се учествува и физички и онлајн, беа споделени најдобри практики за одржливо планирање на еден град.

Дознај повеќе...

Активистите за права на животните остваруваат мнозинство во управниот (УО) и надзорниот одбор (НО) на ЈП Лајка и притоа директно се вклучуваат во креирањето политики и во донесувањето на важни одлуки на ниво на претпријатието, чија функција е секако да им служи на граѓаните, но пред сè и хумано да ги третира животните. Преку оваа шанса за соработка меѓу ЈП Лајка, здруженијата за заштита на животните и самостојните активисти, успесите очекуваме да бидат неминовни, а бројот на бездомните кучиња за краток рок да почне да се става под контрола. Преку едукативните програми остварени преку заемна соработка и координација со вработените од претпријатието очекуваме да придонесеме во општото кревање на свеста околу тоа како да се биде одговорен сопственик на миленик, па и граѓанин со емпатија.

Дознај повеќе...

Дознај повеќе...

ЗХГ заедно со дел од независните советници од општините на Скопје одржаа протест против изградбата на кулите кај Холидеј Ин со кои ќе го загушиме овој дел од Скопје.

Дознај повеќе...

ЗХГ и Меѓународното здружение на граѓани „Cultural Echoes - Културно Ехо“ организираа заедничка акција за садење дрвја кои ќе претставуваат прва линија на одбрана од можното рушење на објектот и на негово место изградба на зграда и хотел.

Дознај повеќе...

Преку новата секција на платформата МојГрад наречена „Работа на Советот на Град Скопје“, сега скопјани може да ги следат дневните редови на Советот, преносот на седниците во живо, материјалите, како се гласало на секоја точка, како и да стапат во контакт со кој било советник од која било советничка група.

Дознај повеќе...

По одржувањето на вториот граѓански буџетски форум, ЗХГ поднесе 31 предлог за подобро Скопје од 12+ еко и активистички организации заедно со предлози од платформата МојГрад.

Дознај повеќе...

ЗХГ со скоро 10.000 гласови од скопјани успеа да внесе 2 независни советника во Советот на Град Скопје, а со тоа да ја започне трансформацијата на Скопје во зелен и хуман град.

Дознај повеќе...

Преку МојГрад, партиципативната платформа која ја застапува ЗХГ, од МојКандидат се објави опција за поднесување граѓански кандидатури за независната листа за локалните избори 2021 г.

Дознај повеќе...

ЗХГ ја лансира платформата МојГрад преку која скопјани може да учествуваат во предлагање свои идеи за подобар град, а истите да бидат поднесени на Совет од страна на советничката Драгана Велковска.

Дознај повеќе...