Политиката е секаде околу нас, иако може не ја приметуваме. Улицата пред твојата зграда што има дупки, булеварот што нема велосипедска патека, загадувањето на воздухот, па и цената на патлиџаните, сè зависи од политиката и одлуките на политичарите.

Само преку гласање, можеш да одбереш дали сакаш искрени и квалитетни луѓе да работат за тебе, или нечесни луѓе континуирано да ја искористуваат твојата доверба. Изборот е твој.

Зелен Хуман Град е составен од активисти, професори и креативни професионалци, кои со години (некои и над 10) волонтираат за подобро и поубаво Скопје. Кога последен пат сте виделе политичар да волонтира во слободно време за општо добро? 🙂

Градоначаничката позиција треба да биде пополнета од личност со докажана искрена мотивација, лидерски способности и експертиза во полињата кои се во надлежност на градот.

Ана, со нејзината досегашна трансформациона работа во и вон државните институции, со истрајноста за санкционирање на загадувачи како директорка на Државниот инспекторат за животна средина, но и со активистичките ангажмани, е единствената кандидатка што ги поседува сите карактеристики да биде мајка на градот.

Ако ги собереме годините волонтерство на сите на листата на советници на ЗХГ, тоа би било над 150 години волонтерство. 150 години посветени на борба надвор од институциите на општото добро на Скопје и на Македонија. Од активисти за животна средина, до професори, програмери, вело ентузијасти и љубители на животни, сите кандидати на листата на ЗХГ се залагаат за теми што ќе го направат Скопје поубаво место за сите нас.

Време е да ја внесеме таа борба внатре во самите институции, и од внатре да ја правиме потребната трансформација, доколку навистина сакаме да живееме во зелен и хуман град.

На политичарите не треба да им е комфорно. Дрвени столчиња прават подолго седење да не е удобро, и наместо да седиме по канцеларии, да сме надвор со другите граѓани, решавајќи вистински проблеми 🙂