Ова се активности што ги водиме во текот на телото наше постоење и делување, сумирани во една објава.

Транспарентност и дигитализација во Советот

Преку нашата платформа МојГрад, ЗХГ е единствената советничка група во Град Скопје што објавува распоред на седници, дневен ред, материјали од секоја седница, како и резултати од гласањето на советот. Дополтенилно за секоја точка пишува и ЗХГ како има гласано, со што имаме целосна транспарентност не само на советот туку и на нашето делување во него!

Со овој круцијален чекор, секоја одлука (нормална или ненормална) дозволуваме сите да ја видат, а не само за очите на советниците и нивните партии. Дури ни самиот град не го прави ова!

Активности околу аерозагадувањето

ЗХГ континуирано предлага итни мерки за подобрување на квалитетот на воздухот во Скопје, инсистирајќи на нивно вклучување во дневниот ред на Советот и изгласување на истите за да се спроведат, но не може двајца од вкупно 45 советници да ги изгласаат, потребно е мнозинство.

• https://facebook.com/ZelenHumanGrad/posts/810458324548973
• https://facebook.com/ZelenHumanGrad/posts/778464794414993
• https://facebook.com/watch/?v=230908130075761
• https://facebook.com/watch/?v=1687058951699674
• https://facebook.com/watch/?v=690389933202831
• https://facebook.com/ZelenHumanGrad/posts/691517139776426
• https://facebook.com/ZelenHumanGrad/posts/690041586590648
• https://facebook.com/watch/?v=652198177086404
• https://facebook.com/ZelenHumanGrad/posts/674428028152004
• https://facebook.com/ZelenHumanGrad/posts/673909118203895

• Безброј гостувања по медиуми на темата.
• Помош во поставување 100+ волонтерски сензори низ Македонија.
• Помош во организирање работилници и натпревари за решенија околу аерозагадувањето.

Поднесени повеќе предлози кои беа усвоени од Советот

Тие беа насочени кон подобрување на животната средина и урбаното планирање. Обезбедивме две компостари за градот, со цел да се промовира компостирањето како начин за управување со органскиот отпад кој вклучува од 60 до 70% од отпадот по градските контејнери и е причината зошто депониите се самозапалуваат и го загадуваат воздухот. За жал, овие компостари сè уште не се во функција и стојат заклучени, што укажува на неопходноста од зголемување на бројот на независните во Советот на Град Скопје — колку повеќе нѐ има, толку е потешко да бидеме игнорирани.

Организирани, ко-организирани или поддржани протести

- 2019/2020/2024/2025: Протести за чист воздух

- 2025: Протест за затворска казна за убиецот на Феликс

- 2025: Протест + барање на јавни информации за хаваријата на Тораница

- 2023: Поддршка за „Сите за МКЦ“

- 2021/2022: Протест против проширувањето на улицата „Васко Карангелески“

- 2021: Протест против изградбата на кулите спроти хотелот „Холидеј Ин“

- 2021: Протест против сеча на Орце Николов

- Парада на гордоста, Протести за 1-ви мај, протести за 2-ми март, протести против насилство, протести за онкологија / модуларната болница во тетово

Акции за садење 100 нови садници во Скопје

- 2025: 100 нови садници во Аеродром
- 2024: 100 нови садници во Ѓорче Петров
- 2023: 100 нови садници во Кисела Вода
- 2022: 100 нови садници во Гази Баба
- 2021: 100 нови садници во Аеродром

По информацијата дека во Градски парк има многу обележани дрвја за сечење и кастрење го најдовме решението и организиравме итна обиколка на терен со надлежниот Сектор за комунални работи од Град Скопје, претставници од ЈП Паркови и зеленило и професор од Шумарскиот факултет на која поканивме граѓани и медиуми. Обиколката резултираше со спасување на дел од дрвјата кои беа обележани за сечење и договор за граѓански мониторинг на работата на ЈП Паркови и зеленило.

Дознај повеќе…

Заедно со независни од цела Македонија поднесовме иницијатива до Уставниот суд против измените на Изборниот законик направени во март 2024 г. со кои практично се оневозможи учество на избори на независни кандидати што не се членови на партии. Уставниот суд ја прифати нашата иницијатива и во мај 2025 г. ги укина спорните измени на Изборниот законик нарекувајќи ги загрозување на темелните вредности на македонскиот уставен поредок.

Дознај повеќе…

Првиот чекор е направен со поведена постапка за оценка на уставноста на спорните членови од Изборниот законик!

Денес, со мнозинство гласови, уставните судии прифатија да ја разгледаат иницијативата на независните граѓански иницијативи против зголемувањето на прагот на потребни потписи за кандидирање на избори. Партиите се обидоа да им ја одземат на граѓаните можноста да бидат дел од институциите ако немаат партиска книшка, но сите независни здружено се борат да го вратат тоа право!

Дознај повеќе…

ЕЛЕН ХУМАН ГРАД бара затворање и трансформација на скопската Зоолошка градина во центар за рехабилитација и конзервација на диви автохтони видови, што воедно беше и дел од изборната програма на ЗХГ во 2021 година.

Дознај повеќе…

Денес, без политизирања и длабоки негодувања, беа прифатени 19-те предлози од првото граѓанско климатско собрание на Скопје организирано од ZIP Institute. На тоа собрание, во 6 наврати 65 случајно избрани граѓани работеа на предлози за намалување на аерозагадувањето кон централната и локалната власт, со фокус на енергетика, јавно здравје и транспорт. Горјан од ЗХГ учествуваше како ментор и како единствен преставник од Град Скопје што потоа ги состави и поднесе барањата до советот.

Дознај повеќе…

ЗХГ останува на својот став ПРОТИВ БРТ за Скопје! Само со изведба на првата траса се проценува дека ќе се уништат 7.000 зрели дрвја.

На Партизанска поминува главната водоводна цевка на Скопје. Скопје НЕ МОЖЕ да си дозволи уништување на здраво зеленило среде геноцидот од загадувањето што прерано убива над 5.000 наши сограѓани! Секогаш ќе бидеме ПРОТИВ проекти кои не се производ на темелни анализи и студии и за чиешто спроведување на ниеден начин не се консултирани граѓаните иако проектите се реализираат со нивни пари!

Дознај повеќе…

Годишен буџет со 46% намалени ставки за заштита на животна средина кога 5.600 луѓе во МК годишно умираат од загаден воздух и буџет без точно кои средства за кои проекти ќе се користат - ние одбиваме!

Дознај повеќе…

ЗХГ денес поднесе иницијатива за преземање итни мерки за заштита на квалитетот на воздухот во Скопје. Иницијативата се состои од 14 точки, 6 за итно постапување и 8 за комплетирање до крајот на мандатот на локалната самоуправа.

Дознај повеќе…

Поништен регулациски план за Влае — регулацискиот план беше основа за автоцентричен развој на населбата каде што на прво место беа ставани автомобилите и висококатниците на штета првенствено на децата од ОУ „Димо Хаџи Димов“, а потоа и на сите жители на Општина Карпош.

Дознај повеќе…

За уште подобро да комуницираме со нашата публика (посебно помладата), нашите волонтери, и за да бидете дел од дискусиите на ЗХГ по принципите на директна демократија, направивме наш Discord сервер: https://discord.gg/DkwtJFteJv

Тука ќе:

• 📅 Правиме јавни дебати и трибини
• 🗣️ Дискутираме директно со вас со чет и постови
• 💪 Договараме работни акции и герили
• ⁉️ Бараме ваша помош и мислење

Секој може да стане дел од серверот, а доколку се покажеш како активен и со пасија, ќе те поканиме да си дел од официјалните членови на ЗХГ 🔥

Ако имаш Discord, приклучи се! Ако немаш, направи акаунт и те чекаме! https://discord.gg/DkwtJFteJv

пс. нели е јако кога програмери се дел од ваква група? 😎

Дознај повеќе…

МКЦ: Програмскиот буџет на МКЦ е далеку помал од тоа што ѝ е потребно на институцијата за да биде еден од предводниците на културата во Скопје! Затоа, со прераспределба на буџетски средства ЗХГ предлага да се додадат нови 2.100.000 МКД во програмскиот буџет на МКЦ. Ова е нешто што го ветивме и нешто што ќе го правиме сѐ додека со ребалансот на буџетот не се врати оригиналниот програмски буџет на културните институции.

ЈСП: На платформата #МојГрад над 1.600 граѓани го поддржаа предлогот на активистите за заштита на животните да се дозволи транспорт на миленици во јавниот превоз во Скопје. Тоа ќе се одвива во согласност со сегашниот закон кој дозволува превоз на миленици сѐ додека се затворени во транспортер кутии. Скопје со ова ќе ги следи европските трендови кои се уште понапредни, но е значаен чекор во правилна насока додека не се направат законски измени!

Дознај повеќе…

Историска одлука за зеленилото во Скопје. Со донесувањето на ваква одлука сите решенија што Град Скопје ги издава за интервенција врз зеленило јавно се објавувани заедно со записниците на денот на нивното издавање. Решенијата не стануваат правосилни додека не истече законски утврдениот рок за жалба и не поминат процесите на обжалување.

Дознај повеќе…

Додека партиски ботови и претседатели на ФБ полемизираат за нас, #ЗХГ напорно работеше овој викенд за да подготви буџетски амандмани со кои ќе го насочиме Скопје да се развива на одржлив, праведен и инклузивен начин. Сите наши амандмани се составени преку активистичките групи кои се членки на ЗХГ, како и граѓанските проекти испратени преку платформата #МојГрад.

Дознај повеќе…

Веруваме дека институциите треба да се отворени и на секој можен начин да ги слушаат желбите на граѓаните, посебно кога станува збор за формирање на буџети и планови за работа. Затоа, покрај подеталната платформа за идеи #МојГрад, ЗЕЛЕН ХУМАН ГРАД оваа година ја претставува дигиталната (а потоа и реална) „Елка на желби до Град Скопје“!

Дознај повеќе…

ЗХГ изработи интерактивна алатка која им овозможува на граѓаните да се информираат за инфраструктурата и јавните површини на ниво на градска четврт, како и да добијат информација за надлежноста за тековно одржување на мапираните јавни простори.

Дознај повеќе…

На 29 јуни, 2022, поднесовме амандман за да се одделат средства од буџетот за „Работилница за изработка на висококвалитетни производи од преработена отпадна пластика“ кој беше прифатен од Совет на Град Скопје. 

Образложение

Пластичниот отпад е сеприсутен и го загадува секој агол од нашите градови и рурални средини, нашите планини и национални паркови, нашите реки и езера. 

Во градот Скопје и сите негови општини постои голем проблем со пластичниот отпад кој се натрупува без конкретно решение. На годишно ниво на нашите депонии се фрлаат огромни количини отпад, од кои голем процент е пластика која може да се рециклира. Овие бројки не ги опфаќаат дивите депонии кои ги има во огромен број. Исто така, во нашата земја се рециклира само незначителен процент од отпадот, што е поразително.

Секое пластично шише, прибор за една употреба, скршен предмет од домаќинството и слично, може да се претвори во ресурс за создавање нов предмет, чија цел ќе биде долготрајна употреба и трајно решение за отпадната пластика од која е изработен. Насекаде низ светот се изнаоѓаат нови начини и преодни решенија за проблемот со отпадната пластика. Постојат машини наменети за оваа цел, достапни преку лиценцата Creative Commons Attribution - Sharealike International 4.0, со кои и кај нас може да започнеме со решавање на проблемот со еден од најголемите загадувачи на целата планета, и тоа на крајно корисен и креативен начин.

Предлог од: Здружение за едукација и директна акција ЕдуАктив Орг

На 10.06.2022 год., државен празник и неработен ден, без никакво претходно известување од страна на инвеститорот – Општина Центар, работници од „Гама Градба“ ДООЕЛ Скопје започнаа со градежни активности за расчистување на една од последните зелени површини со високо зеленило на ул. „Рузвелтова“ бр. 36 во Дебар Маало.

Притоа, со тешка градежна механизација утрото на 11.06.2022 год. (сабота) за само неколку часа беа откорнати вкупно 6 возрасни, здрави, дрвја стари со децении.

Прочитај повеќе тука.

ЗХГ  на покана од градоначалничката на Град Скопје поднесе номинации за членови во Зелениот екосовет на Градот Скопје за да придонесе во решавањето на горливи еколошки проблеми. Ангажманот на сите членови номинирани од ЗХГ е целосно волонтерски, без никаков финансиски надомест и независен. Номиниравме експерти од најразлични сфери чијашто синергија очекуваме да резултира со трајно подобрување на квалитетот на живот во Скопје, како и поставување нови стандарди во визионерското планирање на еден град од иднината - паметен, одржлив и праведен - град за сите луѓе.

Дознај повеќе...

ЗХГ иницираше процес „Нов ГУП за зелено и хумано Скопје“, во кој се вклучија експерти од институциите, академијата, претприемништвото и граѓанскиот сектор. На 17 и 18 јануари, во текот на дводневна работилница насловена „Нов ГУП: Планска програма за зелено и хумано Скопје“ во која можеше да се учествува и физички и онлајн, беа споделени најдобри практики за одржливо планирање на еден град.

Дознај повеќе...

Активистите за права на животните за прв пат во историјата на Скопје добиваат мнозинство во управниот (УО) и надзорниот одбор (НО) на ЈП Лајка и притоа директно се вклучуваат во креирањето политики и во донесувањето на важни одлуки на ниво на претпријатието, чија функција е секако да им служи на граѓаните, но пред сè и хумано да ги третира животните. Директорот на претпријатието е, исто така, поддржан од активистите. Преку оваа шанса за соработка меѓу ЈП Лајка, здруженијата за заштита на животните и самостојните активисти, успесите очекуваме да бидат неминовни, а бројот на бездомните кучиња за краток рок да почне да се става под контрола. Преку едукативните програми остварени преку заемна соработка и координација со вработените од претпријатието очекуваме да придонесеме во општото кревање на свеста околу тоа како да се биде одговорен сопственик на миленик, па и граѓанин со емпатија.

Дознај повеќе...

Дознај повеќе...

ЗХГ заедно со дел од независните советници од општините на Скопје одржаа протест против изградбата на кулите кај Холидеј Ин со кои ќе го загушиме овој дел од Скопје.

Дознај повеќе...

ЗХГ и Меѓународното здружение на граѓани „Cultural Echoes - Културно Ехо“ организираа заедничка акција за садење дрвја кои ќе претставуваат прва линија на одбрана од можното рушење на објектот и на негово место изградба на зграда и хотел.

Дознај повеќе...

Преку новата секција на платформата МојГрад наречена „Работа на Советот на Град Скопје“, сега скопјани може да ги следат дневните редови на Советот, преносот на седниците во живо, материјалите, како се гласало на секоја точка, како и да стапат во контакт со кој било советник од која било советничка група.

Дознај повеќе...

По одржувањето на вториот граѓански буџетски форум, ЗХГ поднесе 31 предлог за подобро Скопје од 12+ еко и активистички организации заедно со предлози од платформата МојГрад.

Дознај повеќе...

ЗХГ со скоро 10.000 гласови од скопјани успеа да внесе 2 независни советника во Советот на Град Скопје, а со тоа да ја започне трансформацијата на Скопје во зелен и хуман град.

Дознај повеќе...

Преку МојГрад, партиципативната платформа која ја застапува ЗХГ, од МојКандидат се објави опција за поднесување граѓански кандидатури за независната листа за локалните избори 2021 г.

Дознај повеќе...

ЗХГ ја лансира платформата МојГрад преку која скопјани може да учествуваат во предлагање свои идеи за подобар град, а истите да бидат поднесени на Совет од страна на советничката Драгана Велковска.

Дознај повеќе...